Թուրքիայի փոխվարչապետ Բեշիր Ալթայը հայտարարել է, որ Ռեյհանլի քաղաքում ահաբեկչության իրականացման կասկածանքով ձերբակալված Թուրքիայի 9 քաղաքացիները կապված են եղել սիրիական հետախուզության հետ: Այս մասին հայտնում է Interfax-ը:
Ավելի վաղ Թուրքիայի ԱԳՆ-ն միջազգային հանրությանը կոչ էր արել Սիրիայի դեմ միջոցառումներ անցկացնել՝ հավելելով, որ Սիրիայի հակամարտությունը աստիճանաբար արտացոլվում է հարևան երկրներում:
Ահաբեկչության իրականացումից հետո Թուրքիայի իշխանությունները անմիջապես չբացառեցին Սիրիայի մասնակցությունն ահաբեկչություններին: Ողբերգությունից մի քանի ժամ անց փոխվարչապետ Բյուլենթ Արընչը ահաբեկչության թիրախ անվանեց սիրիացի փախստականներին:
Իր հերթին Թուրքիայի արտգործնախարար Ահմեդ Դավութօղլուն պայթյունները համարել էր սադրանք:
Սիրիայում Մոսկվայի դեսպան Ռիյադ Հադադը Թուրքիային և այլ երկրների կոչ է արել միավորվել ահաբեկչության դեմ պայքարում և տեղի ունեցած ահաբեկչության առնչությամբ իր խորին ցավակցությունն է հայտնել թուրք ժողովրդին: