Darkwing Aerials ընկերության մշակողները մտածել են, թե ինչպես թեթևացնել տաբեր միջոցառումներին մասնակից այցելուների կյանքը։ Նրանք ստեղծել են թռչող անօդաչու սարք, որը գարեջուր է բաժանում:
Ինչպես հաղորդում է The Daily Mail-ը, գնորդից պահանջվում է միայն iPhone-ի վրա տեղադրել iOS հավելված, որը սարքին կուղարկի պատվիրատուի տվյալները:
Հաղորդվում է, որ թռչող «մատուցողը» մի քանի րոպեի ընթացքում բազմության մեջ կհայտնաբերի գնորդին և նրա ձեռքի մեջ կդնի գարեջրով լի շիշը:
Ներկայում թռչող սարքը աշխատում է հեռակառավարման վահանակով, սակայն հետագայում նախատեսվում է խմիչքների առաքման գործընթացն ավտոմատ դարձնել:
Սարքն առաջին անգամ կգործարկվի հարավաֆրիկյան Լիմպոպո մարզում Oppikoppi երաժշտական փառատոնին, որը կայանալու է օգոստոսին: Փառատոնն ամեն տարի հավաքում է հազարավոր հանդիսատեսներ ամբողջ աշխարհից: