«Բնականաբար, շատ ցանկալի է, որ Մարդու իրավունքների պաշտպանը լինի իսկապես հասարակական հեղինակություն, որովհետև նրա ամենամեծ զենքը իր խոսքն է, իր կարծիքը: Եվ այդ խոսքը պետք է ազդեցիկ լինի պետական հաստատությունների և ընդհանուր հասարակության համար»,- «Առաջին լրատվական»-ի հետ զրույցում ասաց Ազգային ժողովի ՀՀԿ խմբակցության պատգամավոր Սամվել Ֆարմանյանը:
Նրա խոսքով՝ Պաշտպանի ընտրության հարցում առաջնորդվելու երկրորդ չափանիշը քաղաքական հավասարակշռությունն է և հավասար հեռավորությունը քաղաքական բոլոր բևեռներից:
Հարցին՝ ո՞րն է Մարդու իրավունքների պաշտպանի ՀՀԿ թեկնածուն, Սամվել Ֆարմանյանը պատասխանեց. «Մի բան կասեմ՝ դա Զարուհի Փոստանջյանը չէ»՝ հավելելով, որ դա իր անձնական կարծիքն է: