Եղեգնաձորի ԲՀԿ-ական քաղաքապետն իր կարգավիճակի շուրջ կմտածի, երբ ԲՀԿ-ն հայտարարի ընդդիմություն դառնալու մասին: Այսօր «Առաջին լրատվական»-ի հետ զրույցում այս մասին ասաց «Բարգավաճ Հայաստան» կուսակցության անդամ, Եղեգնաձորի քաղաքապետ Դավիթ Հարությունյանը՝ անդրադառնալով հարցին, թե ինչ է պատրաստվում անել, երբ ԲՀԿ-ն հայտարարի ընդդիմություն դառնալու մասին՝ հաշվի առնելով նաև այն, որ ԲՀԿ-ական սպորտի նախարար Հրաչյա Ռոստոմյանը չվերանշանակվեց:
Պարզվեց՝ նա տեղյակ չէ, որ ԲՀԿ-ն հայտարարել է ընդդիմություն դառնալու մասին: Դավիթ Հարությունյանը նաև ասաց, որ չի պատկերացնում իր աշխատանքն այդ դեպքում, բայց չի մտածում հրաժարականի մասին: «Եթե ասել են՝ սեպտեմբերին, ուրեմն մինչև սեպտեմբեր բավականին ժամանակ ունենք»,- ասաց Դավիթ Հարությունյանը:
Հիշեցնենք, որ ԲՀԿ անդամ, ՀՀ ԱԳ նախկին նախարար Վարդան Օսկանյանը հանդես էր եկել ֆեյսբուքյան գրառումով, որում հայտարարել էր, որ սեպտեմբերին ԲՀԿ-ն պետք է հայտարարի ընդդիմություն դառնալու մասին և նման կարգավիճակ ստանձնի:
