Այսօր՝ մայիսի 10-ին, ավտովթար է տեղի ունեցել Գեղարքունիքի մարզում: Ժամը 18:00-ի սահմաններում Տավուշի մարզի Գանձաքար գյուղի բնակիչ 25-ամյա Հայկ Մարդանյանը, վարելով «ГАЗ 33 02» մակնիշի՝ 15 US 556 համարանիշի ավտոմեքենան, Երևան-Իջևան ավտոճանապարհի 76 –րդ կմ հատվածում՝ դեպի Երևան ընթանալիս՝ Դիլիջանի թունելից դուրս գալիս, դուրս է եկել ճանապարհի երթևեկելի գոտուց և կողաշրջվելով հայտնվել ձորակում:
Ինչպես հայտնում է shamshyan.com-ը, վթարի հետևանքով բարեբախտաբար զոհեր և վիրավորներ չեն եղել: Վթարի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի աշխատակիցները՝ վաշտի հրամանատար Սերգեյ Հակոբյանի գլխավորությամբ:
Փաստի առթիվ նույն վաշտի հետաքննիչ Վահագն Համբարձումյանի կողմից նյութեր են նախապատրաստվում:
