Հետազոտությամբ պարզվել է, որ 10 կանանցից 4-ն ամուսիններին խաբում են գնված հագուստի իրական գինն ասելիս: Իսկ ահա տղամարդկանց շրջանում այդ ցուցանիշը կազմում է 10 տոկոս, սակայն 5 անգամ ավելի հավանական է, որ տղամարդիկ խաբեն գաջեթներ ձեռք բերելու համար կատարած ծախսերի վերաբերյալ: Այս մասին հայտնում է The Daily mail-ը:
Կանանց շրջանում ամուսիններին ֆինանսական բնույթի սուտ ասելու համար առաջին տեղում հագուստն է: Նրանք երբեմն ասում են, որ հագուստը գնել են զեղչով կամ սակարկել են գնի հարցում, ինչը շատ հաճախ այդպես չէ:
Հետազոտությունը հիմնված է ամուսնացած 1363 մեծահասակների շրջանում անցկացված հարցումների վրա: Բջջայինների, պլանշետների ու վիդեոխաղերի գնման հարցում ստող տղամարդկանց թիվը կազմում է 29 տոկոս, մինչդեռ կանանց թիվն այս կատեգորիայում կազմում է ընդամենը 6 տոկոս: Տոկոսային չափանիշները հակառակն են երեխաների հագուստ գնելու կատեգորիայում ստող կանանց և տղամարդկանց պարագայում:
Պատասխանող 5-ից մեկը խոստովանել է, որ գաղտնի ծախսելը խնդիրներ է առաջացրել նրանց հարաբերություններում:
