Ավստրալիայի ոստիկանությունը և փրկարարները որոնում են մի զույգի, որը չորեքշաբթի օրը անհետացել է Carnival Spirit ճամփորդական նավից: Այս մասին հաղորդում է Australian թերթը:
Ավստրալիայում բնակվող 27-ամյա Քրիսթեն Շրոդերը և 30-ամյա Փոլ Ռոսինգթոնը նավով ճամփորդում էին իրենց 7 ընկերների հետ: Նավի տեսախցիկի տեսագրությունից երևում է, որ զբոսաշրջիկները իրենց ծովն են նետել Carnival Spirit-ի տախտակամածից, երբ այն ընթանում էր Ավստրալիայի ափերով: Զբոսաշրջիկների անհետացումը նկատել են միայն այն ժամանակ, երբ նավը կանգ է առել Սիդնեյի նավահանգստում:
Որոշ տվյալներով՝ նրանք կարող են ինքնասպանություն գործած լինել: 2.68 հազար ուղևորներից ոչ ոք չի տեսել, թե ինչպիսի հանգամանքներում են նրանք հայտնվել նավի տախտակամածի վրա: Սակայն Carnival Corp.-ը հայտարարել է, որ տեսագրությունից կարելի է ենթադրել, որ միջադեպի պատճառը «հանցավոր գործողությունները չեն»: Ելնելով «անհետացածների ընտանիքների նկատմամբ հարգանքից»՝ պատահարի մանրամասները չեն բարձրաձայնվում:
