ԱՄՆ նախագահ Բարաք Օբաման հինգշաբթի օրը սկսել է երկրում իր շրջագայությունը, որն ուղղված է զբաղվածության մակարդակի աճի իր նախաձեռնությանը:
Օբամայի առաջին կանգառը Տեխասում էր, որտեղ նախագահը ելույթ է ունեցել Մեյնոր քաղաքի օրինակելի տեխնոլոգիական դպրոցի սաների առջև:
ԱՄՆ նախագահի խոսքերով՝ արդեն հինգշաբթի օրն ինքը մի շարք հրամաններ կսորագրի, որոնք կխթանեն նորարարություններն ու նոր աշխատատեղեր կստեղծեն:
Օբամայի խոսքերով՝ միայն վերջին երեք տարիներին ԱՄՆ-ում 6, մլն աշխատատեղեր են ստեղծվել, սակայն ամերիկյան շատ ընտանիքներ մի քանի տարիների ընթացքում աշխատավարձի իրական փոփոխություն չեն նկատում:
Gallup ընկերության կողմից անցկացված հարցման համաձայն՝ ամերիկացիների 86 %-ն աշխատատեղերի ստեղծման խնդիրն առաջնային է համարում: Ապրիլին երկրում գործազրկությունն իջել է մինչև 7,5 %, սակայն ԱՄՆ-ի չափանիշներով՝ գործազրկության մակարդակը դեռ բարձր է համարվում:
Օբաման աշխատաշուկայից թեմայից անցել է ներքաղաքական անհաջողություններին: Նախագահին դեռ չի հաջողվել հանրապետական ընդդիմադիրների հետ, բյուջեի պակասորդի կրճատման և հարկերի բարձրացման հետ կապված, համաձայնության գալ:
