Ռուսական RIA Novosti լրատվական գործակալության փոխանցմամբ՝ սիրիական բանակը ժողովրդական աշխարհազորի աջակցությամբ Սիրիայի Լաթաքիա նահանգում երկու օրում ազատագրել է 120 քառակուսի կիլոմետր տարածք։ Այդ մասին նշված է սիրիական բանակի հրամանատարության տարածած հայտարարությունում։
Հայտարարությունում նաև նշված է, որ ոչնչացվել են մեծ թվով ահաբեկիչներ, իսկ մյուսները փախել են Թուրքիայի սահմանի կողմը։
Ահաբեկիչներից մաքրվել է Ար-Ռաբիա քաղաքում նրանց խոշորագույն հենակետերից մեկը, և կտրվել են ահաբեկիչների մատակարարման ուղիները։ Բանակի վերջին հաջողությունները հիմք են հանդիսացել Լաթաքիայի նահանգն ահաբեկիչներից վերջնականապես ազատագրելու համար։
