Եգիպտոսում թանգարանի 8 աշխատակիցներ Թութանհամոնի հետմահու դիմակի մորուքը սոսնձելու գործով դատարանի առջև կկանգնեն՝ տեղեկացնում է bbc.com-ը: Աշխատակիցները մեղադրվում են անփութության և պրոֆեսիոնալ չափորոշիչները խախտելու մեջ:
Մեկ տարի առաջ հայտնի դարձավ, որ Թութանհամոնի հետմահու դիմակի վրա կիսաթափանց սոսնձանյութի հետքեր են հայտնաբերվել:
Վարկածներից մեկի համաձայն՝ դիմակի մորուքը պատահաբար կոտրվել է, մեկ այլ վարկածի համաձայն՝ մորուքը մաշվել է հնությունից:
Քննիչները պնդում են, որ թանգարանի աշխատակիցները շտապել են թաքցնել դա՝ մեծ քանակությամբ սոսնձով կպցնելով այն: Նրանց տվյալներով՝ մորուքը սոսնձելու չորս փորձ է կատարվել, յուրաքանչյուր փորձից հետո աշխատակիցները փորձել են թաքցնել այդ գործողության հետքերը:
