Ազատ ոճի ըմբշամարտի Հայաստանի մեծահասակների հավաքականը հունվարի 31-ից փետրվարի 12-ը ուսումնամարզական հավաք կանցկացնի Կի7ի մերձակայքում գտնվող Կոնչա-զասպա առողջարանային բնակավայրում: Այս բնակավայրում է գտնվում Կի7ի հանրահայտ «Դինամո» ֆուտբոլային ակումբի մարզաբազան:
Ըմբշամարտի պաշտոնական կայքի տեղեկատվության համաձայն, հավաքից անմիջապես հետո հայ ըմբիշները հանդես կգան փետրվարի 12-14-ը Ուկրաինայի մայրաքաղաքում կայանալիք խոշոր միջազգային մրցաշարի:
Ուսումնամարզական հավաքին և միջազգային մրցաշարին կմասնակցի 14 ըմբիշ. Գարիկ Բարսեղյան, Գառնիկ Մնացականյան (57 կգ), Վոլոդյա Ֆրանգուլյան (61 կգ), Դավիթ Սաֆարյան (65 կգ), Վալտեր Մարգարյան (70 կգ), Գրիգոր Գրիգորյան, Վարուժան Կաջոյան (74 կգ), Մուսա Մուրթազալիև, Շամիր Աթյան, Հաջիմուրադ Նուրմոգամեդով, Սարգիս Հովսեփյան (86 կգ), Էդգար Ենոքյան, Անդրանիկ Գալստյան (97 կգ), Լևոն Բերիանիձե (125 կգ):
Հավաքականի գլխավոր մարզիչ Արայիկ Բաղդադյանը նշել է, որ Կիևում վերջնականապես կորոշվի մարտի 8-13-ը Ռիգայում կայանալիք Եվրոպայի առաջնության Հայաստանի ընտրանու կազմը:
