«Նոր Հայաստան» միասնական ճակատի շտաբի պետ Ժիրայր Սէֆիլյանն այսօր Ազատության հրապարակում հայտարարեց, որ առաջիկայում քաղաքական պայքարին նոր բովանդակություն է հաղորդվելու: «Պայքարը առաջիկայում ևս շարունակվելու է, և բնականաբար ամեն ժամանակ ունի իր առանձնահատկությունները և հնարավոր է՝ որակական փոփոխություններ լինեն: Կարևորը ուղուց չշեղվելն է, կարևորը գործող «խանի» կամքին հակառակ գնալն է, ժողովրդին համախմբելը և ժողովրդի կամքի պարտադրումն է գործող ռեժիմին»,- «Առաջին լրատվական»-ի հետ զրույցում ասաց Ժ. Սեֆիլյանը:
Անդրադառնալով ազատամարտիկների և այլ շարժման մասնակից այլ գործիչների ձերբակալությանը՝ Ժ. Սէֆիլյանը նշեց, որ պետք չէ հուսահատվել. «Իշխանությունները պարտված են: Թող շարունակեն այս ձերբակալությունները, իրենք կարծում են՝ դրանով խնդիրը լուծո՞ւմ են, ես կասեի՝ արագացնում են իրենց հեռացումը»:
Մանրամասները՝ տեսանյութում:
