Ֆրանսիայում գրանցվել է ատիպիկ թոքաբորբին (SARS) մոտ նոր կորոնավիրուսով վարակման առաջին դեպքը: Այս մասին ասվում է հանրապետության առողջապահության նախարարության հաղորդագրության մեջ՝ փոխանցում է RIA Novosti-ն:
Գերատեսչության տվյալներով՝ խոսքը վիրուսի հայտնաբերման առաջին և միակ դեպքի մասին է: Հիվանդը վերջերս է ԱՄԷ-ից Ֆրանսիա վերադարձել: Այժմ հիվանդը գտնվում է վերակենդանացման բաժանմունքում, նրան մեկուսացրել են մյուս հիվանդներից: Մասնագետներն անցկացնում են անհրաժեշտ թեստերը:
Նոր վիրուսով վարակման առաջին դեպքերը գրանցվել էին 2012-ի կեսերին: Մինչ օրս վիրուսը հայտնաբերվել է Սաուդյան Արաբիայում, Հորդանանում, Մեծ Բրիտանիայում և Գերմանիայում: Սուր շնչառական համախտանիշի այս տեսակով 3 տասնյակ վարակվածներից 18-ը մահացել են, այդ թվում 11-ը՝ Սաուդյան Արաբիայում, ընդ որում, 7-ը մահացել են մայիսի առաջին շաբաթը:
