ԵՄ-ն դիտարկում է փետրվարի սկզբին միգրացիայի սահմանափակման խնդրով արտակարգ գագաթնաժողովի անցկացման հնարավորութունը։ Այս մասին հայտնում է TASS գործակալությունը՝ հղում անելով աղբյուրին։
«Փետրվարի 18-19-ի պլանային հանդիպումը հիմնականում ուղղված կլինի բրիտանական հանրաքվեի խնդրի լուծմանը, այդ իսկ պատճառով այժմ դիտարկվում է փետրվարի առաջին օրերին միգրացիայի հարցով արտակարգ գագաթնաժողովի անցկացման հնարավորությունը»,- ասել է նա։
Դիվանագետն ընդգծել է, որ ԵՄ երկրները պետք է քննարկեն միգրացիոն ոլորտում կազմակերպության ընդունած միջոցառումների արդյունավետության բարձրացումը։ Այդ թեման մտնում է պլանային գագաթնաժողովի օրակարգում, սակայն եվրոպական պատասխանի ուժեղացում պահանջվում է ավելի վաղ։
