Մեծ Բրիտանիայի թագուհի Էլիզաբեթ 2-րդը չորեքշաբթի օրը ելույթ կունենա բրիտանական խորհրդարանի նոր նստաշրջանի պաշտոնական բացման արարողությանը և կհայտարարի առաջիկա տարվա համար 2 պալատների աշխատանքային առաջնահերթությունների մասին՝ հաղորդում է Ria Novosti-ն:
Ելույթի տեքստը գրում են երկրի կառավարությունում, և այն հաստատվում է նախարարների կաբինետի կողմից: Հիմնական օրինագծերը, որոնց վրա պետք է աշխատի խորհրդարանը, պատգամավորներին նախապես հայտնի են, ուստի նստաշրջանի բացումը վերածվում է գեղեցիկ արարողակարգի:
Բացի քննարկման համար նախատեսված օրինագծերից՝ թագուհին հայտարարում է նաև վարչապետի պետական այցերի մասին:
