Էկվադորի ԱԳՆ-ն երկուշաբթի հայտարարել է Պերուում իր դեսպան Ռոդրիգո Ռիոֆրիոյի լիազորությունների դադարեցման մասին: Պատճառը սկանդալն է, որը ծագել է նրա շուրջ խանութում երկու կնոջ վրա հարձակվելու հետևանքով: Այս մասին հայտնում է RIA Novosti-ն:
ԱԳՆ հայտարարության մեջ չի հիշատակվում միջադեպի և դեսպանի հետկանչի միջև ուղիղ կապի մասին: Դիվանագիտական գերատեսչությունն ընդգծում է, որ դա արվել է նրա անձնական խնդրանքով:
«Դեսպան Ռիոֆրիոն, որն իր փայլուն կարիերայի ընթացքում արժանապատվորեն կատարել է կարևոր գործառույթներ հօգուտ պետության, կնշանակվի այլ երկրում որպես դեսպան»,- ասվում է Էկվադորի ԱԳՆ հայտարարության մեջ: Պերուում Էկվադորի նոր դեսպանի անունը կհայտարարվի առաջիկա օրերին:
Ավելի վաղ էլեկտրոնային ԶԼՄ-ներից մեկում հայտնվել էր ռեպորտաժ խանութում միջադեպի մասին: Պերուացի երկու կանայք Էկվադորի դեսպանին ճանաչել էին՝ նա իրենց վրա էր հարձակվել Լիմայի Մագդալենա-դել-Մար շրջանի սուպերմարկետներից մեկում:
Էկվադորի ԱԳՆ-ն այնուհետև ներողություն էր խնդրել Ռիոֆրիոյի կողմից՝ դրանով իսկ փաստացի ճանաչելով իր ներկայացուցչի դեմ ուղղված մեղադրանքը:
