Ռուսական RIA Novosti լրատվական գործակալության փոխանցմամբ՝ Եվրահանձնաժողովը մոտակա ամիսներին առաջարկներ կներկայացնի ԵՄ-ի երկրներ օրինական ներգաղթի մասին։ Այդ մասին այսօր Բրյուսելում լրագրողների հետ հայտարարել է Եվրահանձնաժողովի նախագահ Ժան Կլոդ Յունկերը.
«Մենք առաջիկա ամիսներին պետք է առաջարկներ ներկայացնենք օրինական ներգաղթի մասին։ Խոսքը նրա մասին է, որ ԵՄ-ի երկրները համաձայնեցնեն ընդհանուր մոտեցումը երրորդ երկրների քաղաքացիներին օրինական զբաղվածության հնարավորություն ընձեռելու համար, որոնք ԵՄ-ում գտնվում են օրինական հենքով»։
ԵՄ-ի Frontex սահմանապահ գործակալության տվյալներով, 2015 թվականին ԵՄ ժամանել է ավելի քան 1.2 միլիոն ներգաղթյալ։ Եվրահանձնաժողովը ներկայիս միգրացիոն ճգնաժամը որակել է խոշորագույնը՝ սկսած Երկրորդ համաշխարհային պատերազմի ժամանակներից։
