Շոտլանդիայի հյուսիս-արևմտյան Սամմեր արշիպելագի Տաներա-Մոր ոչ մեծ կղզին 2.5 մլն ֆունտ-ստեռլինգով (3.9 մլն դոլարով) վաճառքի է դրվել:
800 ակր (323.7 հա) մակերեսով կղզին պատկանում է Ուայլդեր ընտանիքին, որն այն գնել էր 1996թ: Ներկայում այն պատկանում է Լիզի Ուայլդերին ու նրա ամուսնուն՝ Ռիչարդ Ուիլյամսին՝ հայտնում է Guardian-ը:
Մինչ կզին վաճառելը դրա սեփականատերերը բանակցություններ են վարել կղզու հարևանությամբ ապրող համայնքի հետ, որոնք, սակայն, հրաժարվել են այն գնել:
Ինչպես նկատում է Forbes-ը, Տաներա-Մորը Սամմերի կղզիներից խոշորագույնն է ու միակ բնակելի կղզին:
Կղզու տարածքում գտնվում է 9 բնակելի տուն, սրճարան, փոստ, որոնք կղզու հետ միասին բաժին կհասնեն դրա նոր սեփականատիրոջը:
