ԵՄ-ն կարող է առաջին քայլն անել Չինաստանի հետ առևտրային հարաբերությունների ազատականացման ճանապարհին և այն ճանաչել շուկայական տնտեսությամբ երկիր: Այս մասին հայտնում է Reuters-ը:
Հունվարի 13-ին տեղի կունենա ԵՄ բոլոր անդամ-երկրների լիազորված ներկայացուցիչների հանդիպումը, որոնք կքննարկեն այդ հարցը:
Բացի դրանից՝ փետրվարին կարող է տեղի ունենալ ԵՄ երկրների առևտրի նախարարների հանդիպումը Ամստերդամում, որտեղ այդ թեման կքննարկվի:
Նշվում է, որ Պեկինի հետ առևտրային հարաբերությունների ազատականացման մասին վերջնական որոշում հազիվ թե ընդունվի 2016թ. ամռանից շուտ:
«Իմ կարծիքով՝ Չինաստանը շուկայական տնտեսություն չէ: Սակայն նա հիմնական առևտրային խաղացողն է, և մենք պետք է դա հաշվի առնենք»,- գործակալությանն ասել է ԵՄ բարձրաստիճան պաշտոնյան:
Չինաստանը շուկայական տնտեսություն ճանաչելու դեպքում ԵՄ-ն կարող է կորցնել մինչև 3,5 մլն աշխատատեղ՝ նշում է գործակալությունը՝ հղում անելով եվրոպական 25 արդյունաբերական ֆեդերացիաների կատարած հետազոտությանը:
