Բոլոր քաղաքական ուժերը օգտվել են եթերային քարոզչությունից

Հեռուստատեսության և ռադիոյի ազգային հանձնաժողովի անդամ Արմեն Մկրտչյանը ներկայացրեց վերգետնյա եթերային հեռարձակում իրականացնող հեռուստաընկերությունների, ռադիոընկերությունների կողմից թեկնածուների համար հավասար պայմանների ապահովման հարցը:

Ըստ բանախոսի, Երևան քաղաքի տարածքում վերգետնյա եթերային հեռարձակում են իրականացնում թվով 35 հեռուստառադիոընկերություններ, որոնցից 18-ը հեռուստաընկերություններ են, 17-ը ռադիոընկերություններ:

Քարոզարշավի լուսաբանմանը մասնակցել են թվով 12 ռադիոընկերություն և 10-ը հեռուստաընկերություն:

Հեռուստաընկերություններիվ վճարովի եթերի 1 րոպեի սակագինը տատանվել է 15-120 հազար դրամի սահմաններում: Ռադիոընկերություններինը` 2400-ից 3600 դրամ:

Երևանի ավագանու ընտրություններին մասնակցող քաղաքական ուժերը եթերաժամանակն օգտագործել են հետևյալ կերպ.

1. «Առաքելություն» կուսակցություն – 1747 րոպե

2. «Բարգավաճ Հայաստան» կուսակցություն – 5514 րոպե

3. «Բարև Երևան» դաշինք – 5178 րոպե

4. ՀԱԿԿ-4796 րոպե

5. ՀՅԴ 5029 րոպե

6. ՀՀԿ 4025 րոպե

7. Օրինաց երկիր 4811 րոպե