Խոսքն ուժեղ ազդեցությամբ հակաբեղմնավորիչների մասին է. երբ կինը ոչ ցանկալի հղիությունը կանխելու նպատակով մեկ հաբ է ընդունում չպաշպանված սեքսից հետո ծայրահեղ կարճ ժամանակահատվածում:
Օբաման հավանության է արժանացրել արդարադատության նախարարության՝ այս դեղամիջոցներն ազատ վաճառելու թույլտվությունը վիճարկելու որոշումը:
Դեղորայքի ազատ վաճառքի հակառակորդների և կողմնակիցների միջև բանավեճերը չեն դադարում, գրում է The New York Times-ը: Մի կողմից, խոսքը չպլանավորված հղիությունից պաշտպանվելու մասին է, որի դեպքում նպատակահարմար է այն առավելագույնս հասանելի դարձնել: Մյուս կողմից, դրանք ուժեղ գործող հորմոնալ միջոցներ են և կնոջ մոտ ցիկլի խանգարում և արնահոսություն են առաջացնում: Առանց վերահսկողության դրանց օգտագործումը կնոջ օրգանիզմի վրա կարող է վատ անդրադառնալ:
Պահպանողական խմբավորումները մինչև այժմ պայքարում են այդ դեղորայքը 15 տարեկանից ցածր աղջիկներին վաճառելու դեմ: Նրանց հակառակորդները ֆեմինիստական կազմակերպություններն են, որոնք կողմ են բոլոր ոլորտներում կանանց ընտրության իրավունքի ազատությանը:
Հակաբեղմնավորիչներ արտադրողներն ուշադիր հետևում են այս հակամարտությանը: Նրանց, իհարկե, ձեռնտու է, որ դեղորայքը հնարավորինս հասանելի լինի: Սակայն շատ դեպքեր են գրանցվել, երբ կլինիկական բոլոր ուսումնասիրություններն անցած դեղորայքը շուկայից հետ է կանչվել զանգվածային ընդունման ժամանակ հայտնաբերված բացասական արդյունքների հետևանքով:
