Ընդամենը մի քանի մեխ է մնացել Գայոս Հուլիոս Կեսարի՝ Լիմբուրգի մոտակայքում գտնված ճամբարից: Սակայն այդ գտածոն թույլ է տալիս ապացուցել զորավարի ներկայությունը Հռենոսի աջ ափին, հայտնում է DW-ի ռուսական ծառայությունը:
Հուլիոս Կեսարի օրագրերում վկայություններ կան, թե ինչպես է նա իր լեգեոներների հետ հատել Հռենոսը ու ճամբար խփել գետի աջ ափին:
Գերմանացի հնագետները հավանականության բարձր տոկոսով կարողացել են գտնել այդ ռազմական ճամբարի հետքերը ու ապացուցել Կեսարի ներկայությունը Գեսսենի դաշնային հողում:
Հռենոսի աջ ափին հռոմեական ռազմական ճամբարների ներկայությունը հաստատելը ու դրանք Ք.ծ.ա. 55-53 թվականներին վերագրելը հնագետներին հաջողվել է շնորհիվ մեխերի, որոնք ամրացվել են հինհռոմեական սանդալներին:
Նման տեսակի մեխեր օգտագործվել են լեգեոներների հագուկապում մինչև Ք.ծ.ա. 40 թվականը, վստահեցնում են գիտնականները:
