Ոչ մի կասկած չկա, որ Սիրիայի նախագահ Բաշար Ալ-Ասադի վարչակարգը զինված ընդդիմության և խաղաղ բնակչության դեմ քիմիական զենք է կիրառել: Ինչպես հաղորդում է Anadolu գործակալությունը, նման հայտարարությամբ հանդես է եկել Թուրքիայի վարչապետ Ռեջեփ Թայիփ Էրդողանը Nikkei ճապոնական թերթին տված հարցազրույցի ժամանակ:
Էրդողանի խոսքերով՝ ինքը մտադիր է Սիրիայի իշխանությունների կողմից քիմիական զենքի կիրառման հարցը քննարկել ԱՄՆ նախագահ Բարաք Օբամայի հետ մայիսի 16-ին ԱՄՆ նախատեսված այցի ժամանակ: Վարչապետը նշել է, որ այսօրվա դրությամբ Սիրիայի զինված ընդդիմությունը շատ ավելի ուժեղ է վարչակարգից:
«Զինված ընդդիմությունն ուժեղ է ցամաքային գործողություններում: Միակ բանը, որով սիրիական բանակը գերազանցում է ընդդիմության բանակին, դա օդային գործողությունն է, քանի որ կառավարական զորքերն ունեն ժամանակակից կործանիչներ և ուղղաթիռներ»,- նշել է Էրդողանը:
