Աշխարհում խոշորագույն Facebook սոցցանցի եկամուտները ընթացիկ տարվա առաջին երեք ամիսներին աճել են 38 տոկոսով՝ հասնելով 1.46 միլիարդ դոլարի: Ցուցանիշը ներկայացվում է անցած տարվա նույն ժամանակահատվածի համեմատ: Դիտարկվող եռամսյակում ընկերության մաքուր շահույթը կազմել է 219 մլն դոլար, ինչը 14 միլիոնով ավելի է 2012-ի առաջին եռամսյակի համեմատ: Այս մասին հայտնում է ITAR-TASS-ը՝ հղում անելով ընկերության հաղորդագրությանը:
Facebook-ի եկամուտներն աճել են առաջին հերթին գովազդի տեղադրումից ստացվող հասույթի մեծացման հաշվին: Առավել խոշոր գովազդատուներն են դարձել բջջային հեռախոս արտադրող ընկերությունները:
Ֆինանսական ոլորտի ամերիկացի վերլուծաբանները նշում են սոցցանցի հանդեպ ներդրողների վստահության անբավարար մակարդակ: Բաժնետոմսերի արժեքի դրական դինամիկա չի դրսևորվում: Արժեքի լճացումը շարունակվում է մի քանի ամիս:
