Ջոն Հոլքրոֆտը ձևավորող ու գրաֆիկական դիզայներ է Շեֆիլդից, ում աշխատանքները լի են հումորով ու այլաբանությամբ, առնչվում են արդիական սոցիալական թեմաների, որոնց հետ վաղ թե ուշ բախվում է ցանկացած ոք, գրում է adme.ru-ն:
Հեղինակն իր գաղափարները արտահայտում է պարզ ու հասկանալի, հասարակ կերպարների միջոցով նա հնարավորություն է գտնում փոխանցելու իր այն մտքերը, որոնք իրեն կարևոր են թվում:
Որպես կանոն, Ջոնն իր աշխատանքներում արտացոլում է ժամանակակից մարդու կամա և ակամա կախվածությունների աշխարհը: Այդ կախվածությունները կրում են տարբեր ենթատեքստ՝ կենցաղային, սոցիալական, գումարային, «գրասենյակային»: Ու չնայած վեր հանված թեմաների լրջությանը, թեթևությանն ու ծաղրին, որոնք հատուկ են նկարչի աշխատանքներին, դրանք ստիպում են այլ հայացք գցել սեփական անձին ու փորձել սեփական կյանքից բացառել նմանատիպ սյուժեները:
Նա աշխատել է այնպիսի հայտնի ընկերությունների համար, ինչպիսիք են BBC-ն, Reader’s Digest-ը, Financial Times-ը, The Guardian-ը ու The Economist-ը:
