Ամերիկյան իշխանությունները պետք է արգելք դնեն Չեչնիայի ղեկավար Ռամզան Քադիրովի` ԱՄՆ մուտք գործելու վրա, ինչպես նաև սառեցնեն նրա հաշիվները, քանի որ հանրապետությունում խախտվում են մարդու իրավունքները, և շարունակվում են «քաղաքական սպանությունները»: Այս մասին ասվում է ԱՄՆ միջազգային կրոնական ազատության հանձնաժողովի հայտարարության մեջ:
Այս հանձնաժողովի եզրակացությունները հաշվի են առնվում պետքարտուղարության, Կոնգրեսի և նախագահի աշխատակազմի կողմից՝ որպես փորձագիտական, երբ հարցն առնչվում է աշխարհի տարբեր երկրներում կրոնական ազատություններին: Ապրիլի28-ին հանձնաժողովը հրապարակել է իր հերթական զեկույցը, որը վերաբերում է կրոնական հիմնախնդիրներին ողջ աշխարհում:
Հանձնաժողովի եզրակացության մեջ, սակայն, չի նշվում, թե արդյոք ԱՄՆ տարածքում կա՞ն հաշվեհամարներ կամ այլ ակտիվներ, որոնք պատկանում են Քադիրովին: Պետքարտուղարությունն այս տեղեկությունը չի մեկնաբանում: Այս մասին հաղորդում է Associated Press գործակալությունը:
