Թուրքիայում հաճախակի են դարձել ամուսինների կողմից կանանց դաժանորեն ծեծելու դեպքերը: Դա տեղի է ունենում կանանց՝ համապատասխան մարմիններին դիմելու հետևանքով, տեղեկացնում է timeturk.comը:
Թուրքիայի ոստիկանության գլխավոր վարչության տվյալներով՝ «իրենց տառապանքների մասին համապատասխան մարմիններին տեղյակ պահող կանանց միանգամից օգնություն է ցուցաբերվում: Ընդ որում, դիմողների մեծամասնությունը դիմելուց մի քանի օր անց հետ է վերցնում իր բողոքը և սոցիալական ապաստարաններից վերադառնում տուն: Դեպքերի մեծ մասի ժամանակ տանը նրանց են սպասում կատաղած ամուսինները, ովքեր էլ իրենց կանանց մահացու ծեծում են»:
Այսպիսով, վիճակագրական տվյալների համաձայն, միայն 2013 թ. մարտին 64 հազար 136 տուժած կանանցից 8 հազար 908-ը դիմել են սոցիալական կազմակերպություններին՝ կրկնակի օգնության համար:
