Ռուսաստանի նախագահ Վլադիմիր Պուտինը Կիևի Բարեփոխումների խորհրդում Ուկրաինայի ներքին գործերի նախարար Արսեն Ավակովի և Օդեսայի նահանգապետ Միխեիլ Սաակաշվիլու վեճն անվանել է տրագիկոմեդիա, հայտնում է lenta.ru-ն: Իր կարծիքը Պուտինն արտահայտել է Վլադիմիր Սոլովևի «Աշխարհակարգ» վավերագրական ֆիլմի համար տված հարցազրույցում, որի մի դրվագը հեղինակը հրապարակել է Instagram-ի իր էջում:
«Այն, որ նրանք կռվում են ռուսերեն դա լավ է: Լավ է, որ ոչ թե վրացերեն կամ օսեթերեն: Բայց դա ծիծաղելի է, դա տրագիկոմեդիա է»,- ասել է Պուտինը:
Դեկտեմբերի 18-ին հաղորդվել է, որ Ավակովը Սաակաշվիլու նկատմամբ պատվի և արժանապատվության պաշտպանության մասին հայց է հարուցել:
Ուկրաինայի նախագահ Պյոտոր Պորոշենկոն` մեկնաբանելով միջադեպը պաշտպանել է Օդեսայի նահանգապետին: Երկրի ղեկավարն անթույլատրելի է համարել «կոպիտ հայհոյանքները և վիրավորանքները», ինչպես նաև «Ուկրաինայից հեռանալու» առաջարկությունը:
Ավակովի և Սաակաշվիլու միջև կոնֆլիկտը տեղի է ունեցել Բարեփոխումների ազգային խորհրդի ժողովի ժամանակ: Նրանք միմյանց մեղադրել են կոռուպցիայի մեջ: Ավակովը Սաակաշվիլու վրա է նետել ջրով լի բաժակը: Ավելի ուշ այդ տեսանյութը Ավակովը տեղադրել է Facebook-ի իր էջում: