Իրանը որոշել է իր դիրքորոշումը միավորել ռուսականի հետ, որպեսզի արագացնի քաղաքական համաձայնության կնքումը Սիրիայում քաղաքացիական պատերազմի ավարտի համար: Այդպիսով կողմերը «կմեղմացնեն» իրենց ընդդիմությունը Բաշար Ասադի հրաժարականի հարցում: Այդ մասին հայտարարել է Իրանի բարձրաստիճան պաշտոնյան, հայտնում է Reuters-ը:
Նրա խոսքով` Իրանի որոշումը ընդունվել է Թեհրանում ՌԴ նախագահ Վլադիմիր Պուտինի և այաթոլլահ Ալի Խամենեիի հանդիպումից հետո, որը տեղի է ունեցել անցյալ ամսին: Ռուսաստանի նման Իրանն է պնդում է, որ Ասադը հնարավոր ընտրությունների արդյունքում պետք է հրապարակայնորեն հրաժարական տա:
«Իրանը և Ռուսաստանը կանցկացնեն նույն քաղաքականությունը, որը օգուտ կբերի Թեհրանին, Մոսկվային և Դամասկոսին: Իրանը լրջորեն համարում է, որ սիրիական ժողովուրդը պետք է ինքը որոշի իր ճակատագիրը»,- գործակալությանը հայտարարել է իրանցի պաշտոնյան` ավելացնելով, որ Սիրիայում նախ պետք է ամեն ինչ խաղաղվի:
Պաշտոնյան նշում է, որ եթե սիրիացիները որոշեն, որ Ասադը պետք է հեռանա, ապա «նա պետք է հեռանա»: «Եթե նա չի կարող ծառայել իր երկրին և իր ժողովրդին, ապա երկիրը պետք է կառավարի ընդունակ իրավահաջորդը»,- ավելացրել է նա: