Մեքսիկայի հնագիտության ու պատմության ազգային ինստիտուտի մասնագետների կողմից Տեոտիուականի բուրգերից մեկում գաղտնի սենյակի հայտնաբերումից անմիջապես հետո իրենց բացահայտույմների մասին են հայտարարել Ճապոնիայի ու ԱՄՆ-ի մասնագետները, հայտնում է vesti.ru-ն:
Նրանց պեղումները, որոնք հնագույն Սեյբալ բնակավայրի տարածքում (ժամանակակից Գվատեմալա) շարունակվում էին ավելի քան 7 տարի, օգնել են գիտնականներին տեսնել մայաների քաղաքակրթության գոյության ամենավաղ փուլը:
Խոսքն, այսպես կոչված, մեսոամերիկյան քաղաքակրթության կյանքի նախադասական փուլի մասին է, երբ Կենտրոնական Ամերիկայում թագավորում էր օլմեկների մշակույթը:
Համարվում է, որ մինչ մայաների նախահայրերը քոչվոր ցեղերի տեսքով բնակություն են հաստատել Յուկատանի արևելյան ու հարավարևելյան անտառներում, օլմեկները Մեքսիկական ծոցից ոչ հեռու՝ ափին կառուցել են իրենց քաղաքները՝ Լա-Վենտայի ու Սան-Լորենցոյի նմանությամբ:
Բուրգերն ու լայն հրապարակները, որոնք այդքան բնորոշ են մեսոամերիկյան քաղաքակրթություններին, հնագետների համար գլխավոր ինդիկատոր են քոչվոր կյանքից նստակյաց կյանքի անցում կատարելոու, գյուղատնտեսությամբ զբաղվելու, ինչպես նաև հասարակության սոցիալական շերտավորման բացահայտման համար:
Հայտնի է, որ մայաների լեզուն ու մշակությը ձևավորվել են մոտավորապես Ք.ծ. 250 թվին՝ որպես օլմեկների անմիջական կամ անուղղակի ազդեցության հետևանք: «Այս պնդումը գիտության մեջ կարիք ունի խմբագրման»,– գրում են հմնագետները Science ամսագրում հրապարակված հոդվածում։
Սեյբալի հայտնաբերված կառույցներն այնքան հին են, որ գիտնականներին ստիպում են վերանայել մայաների կյանքի նախադասական փուլը:
Թվագրումը հիմնվել է ռադիոածխաջրածնային անալիզի, կերամիկայի կտորտանքների հետազոտության վրա, ու փաստում է, որ Ք.ծ.ա. 1000-700 թվականներին Սեյբալում արդեն գոյություն են ունեցել մոնումենտալ շինություններ:
Սակայն մեկնաբանելով իրենց բացահայտումը՝ գիտնականները խնդրում են եզրակացությւուններ չկատարել:
Գիտնականները բացատրում են, որ «մայաների» Սեյբալի ու «օլմեկյան» Լա-Վենտայի միջև Ք.ծ.ա. 1000-700 թվականներին հայտնաբերվում են երկու մշակույթների զարմանալի նմանություն: Դա կարող է բացատրվել նրանով, որ օլմեկներն ու մայաները նախադասական փուլում գտնվել են մշակությայի ինչ-որ հզոր ցնցումի ազդեցության տակ, որը տեղի է ունեցել Ք.ծ.ա. մոտ 1000 թվականին:
