Journal of Sexual Medicine ամսագրում հրապարակված նոր ուսումնասիրությունը ցույց է տվել, որ պոռնոգրաֆիան էական ազդեցություն չի թողնում երիտասարդ մարդկանց սեռական կյանքի վրա:
Ինչպես տեղեկացնում է NBC News-ը, Նիդեռլանդներում ուսումնասիրություն է անցկացվել է 15-25 տարեկան 4600 տղաների և աղջիկների շրջանում:
Պարզվել է, որ պոռնոգրաֆիկ ֆիլմեր նայելը սեռական վարքագծի վրա ավելի քիչ ազդեցություն է ունենում, քան անձի տեսակը, կրթությունը և մշակույթը, ընտանեկան ավանդույթները: Հարցված տղամարդկանց 88 %-ը, իսկ կանանց 45%-ը վերջին մեկ տարում դիտել են պոռնոգրաֆիկ ֆիլմեր, սակայն դա չի ազդել կամ շատ թույլ է ազդել նրանց սեռական կյանքի վրա։
Բժիշկ Հալդը նշում է, որ հարցվածների սեռական վարքը առաջին անգամ է ուսումնասիրվում նրանց մշակութային մակարդակի, ստացած կրթության, ընտանեկան համակարգի և նյութական բարեկեցության համակարգում: Պարզվել է, որ այս բոլոր գործոններն ավելի շատ են ազդում սեռական վարքի վրա նույնիսկ այն դեպքում, երբ մասնակիցը հաճախ է պոռնոգրաֆիկ նյութեր նայում:
Գիտնականները, սակայն, չեն ժխտում, որ Նիդեռլանդներից ստացված արդյունքները կարող են շատ տարբեր լինել այլ երկրներից (որտեղ արգելված են մարմնավաճառությունն ու պոռնոգրաֆիկ նյութեր դիտելը) ստացված արդյունքներից:
