ԱՄՆ-ում ավիահաղորդակցությունը մինչ այսօր երեկո կվերականգնվի ողջ ծավալով՝ չվերթների հետաձգումներից հետո, որոնց պատճառը սեկվեստրի հետևանքով ավիադիսպետչերների հեռացումներն էին: Այս մասին հայտնում է ITAR-TASS-ը՝ հղում անելով ԱՄՆ Քաղավիացիայի դաշնային վարչությանը:
Քաղավիացիայի կոմյունիկեում ասվում է, որ ավիադիսպետչերական կետերի աշխատակազմը 24 ժամվա ընթացքում կվերականգնվի, և մինչ կիրակի երեկոյան ողջ համակարգը կվերադառնա նորմալ աշխատանքի:
ԱՄՆ-ում ավիահաղորդակցությունում խնդիրներն առաջացել էին մի քանի օր առաջ: Սեկվեստրի պատճառով վարչությունը ստիպված է եղել սկսել ամեն օր չվճարվող արձակուրդի ուղարկել ավիադիսպետչերների 10 տոկոսին:
Ուրբաթ ԱՄՆ Կոնգրեսն ընդունել է օրինագիծ՝ նախագահ Բարաք Օբամայից պահանջելով կասեցնել ավիադիսպետչերների հեռացումները:
