Բարբարա Բուշը՝ ԱՄՆ նախկին նախագահ Ջորջ Բուշ-ավագի կինը, իր երկրորդ որդուն՝ Ջեբ Բուշին ԱՄՆ նախագահի պաշտոնի համար այնքան էլ հարմար թեկնածու չի համարում: Նման հայտարարությամբ հինգշաբթի օրը նա հանդես է եկել NBC հեռուստաալիքով:
«Մենք արդեն բավականին Բուշեր ենք ունեցել»,- ասել է նա՝ պատասխանելով 2016 թ. նախընտրական քարոզարշավին իր որդու մասնակցության վերաբերյալ հարցին:
Նա նշել է, որ ԱՄՆ նախագահի պաշտոնի համար շատ արժանի թեկնածուներ կան:
Հիշեցնենք, որ չորեքշաբթի օրը CNN-ին տված հարցազրույցում Ջորջ Բուշ-ավագը նշել էր, որ իր մյուս որդին՝ Ջեբը ևս պետք է պայքարի նախագահի պաշտոնի համար: