ԱՄՆ իշխանությունները հինգշաբթի օրը հայտարարել են, որ այն տվյալները, որոնք ներկայումս ունի երկրի հետախուզությունը, բավարար չեն վստահորեն պնդելու համար, որ Սիրիայում քիմիական զենք է կիրառվել: Այս մասին հաղորդում է Reuters գործակալությունը:
Սակայն կառավարությունը հայտարարել է նաև, որ չի կարելի նման հնարավորությունն ամբողջությամբ բացառել և անհրաժեշտ է ավելի հուսալի աղբյուրներից տեղեկություն ստանալ:
Ավելի վաղ Պենտագոնի առաջնորդը հայտարարել էր, որ ԱՄՆ հետախուզության տվյալները «վստահության որոշ մակարդակով» հաստատում են, որ Սիրիայի իշխանությունները ոչ մեծ քանակությամբ քիմիական զենք են կիրառել:
