Ռուսաստանը Կիպրոսի հետ բանակցություններ է վարում ԴԱԻՇ-ի դեմ գործողությունների շրջանակում կղզու մի շարք օբյեկտների օգտագործման վերաբերյալ, գրում է korrespondent.net-ը:
«Ես կարծում եմ, որ մենք հնարավորություն կստանանք այդ օբյեկտներն օգտագործել»,- ասել է Կիպրոսում ՌԴ դեսպան Ստանիսլավ Օսադչին՝ չպարզաբանելով, թե հատկապես որ օբյեկտների մասին է խոսքը:
Լրատվամիջոցը նշում է, որ ներկա պահին Ֆրանսիան և Գերմանիան օգտագործում են Կիպրոսի օդային բազան Պաֆոսում իրենց ռազմական ինքնաթիռները վառելիքով լիցքավորելու և տեխնիկական սպասարկումն իրականացնելու համար:
