Վաղը` ապրիլի 28-ին, կմեկնարկի «Ազգային պատկերասրահ» միջազգային երաժշտական յոթերորդ փառատոնը: Փառատոնի հանդիսավոր բացման համերգը նվիրված է կոմպոզիտոր Էդվարդ Միրզոյանի 90-ամյա հոբելյանին: Համերգին կհնչի միայն Միրզոյանի ստեղծագործությունները դիրիժոր Արամ Թալալյանի ղեկավարած փառատոնային նվագախմբի կողմից:
Փառատոնի հիմնադիր Մարիամ Շահինյանի խոսքով` Հայաստանի գործող պետական նվագախմբերը այս տարի հրաժարվել են մասնակցել փառատոնին, և վաղվա համերգի կազմը հավաքվել է միայն Արամ Թալալյանի շնորհիվ:
Այս տարի փառատոնի շրջանակներում անցկացվող համերգները բոլորն տեղի են ունենալու որոշակի խորագրի ներքո:
«Այս տարի առաջին անգամ Հայաստանում հանդես կգա «Երիտասարդ տաղանդներ» երգչախումբը, որն արդեն երեք տարի է՝ համերգներ է տալիս Լոնդոնի Ջոն Սմիթ համերգասրահում:
«Այս փառատոնը հաճելի անակնկալ էր ինձ համար: Մաղթում եմ, որ փառատոնը երկար կյանք ունենա»,- այսօր հրավիրված մամուլի ասուլիսի ժամանակ ասաց մաեստրո Էդվարդ Միրզոյանը:
«Ազգային պատկերասրահ» միջազգային երաժշտական յոթերորդ փառատոնը կշարունակվի մինչև մայիսի 31-ը:
