Թուրքիան դարպաս է հանդիսանում փողերի, մարդկանց և պաշարների հոսքի համար Սիրիա ԴԱԻՇ-ին, այսօր գրել է ամերիկյան Defense One պարբերականը` մեկնաբանելով ռուսական SU-24-ի պատահարը, հայտնում է TASS-ը:
Պարբերականը նշել է, որ Ռուսաստանի մեղադրանքները Թուրքիայի նկատմամբ ԴԱԻՇ-ին օժանդակելու մեջ մասամբ կարելի է համարել արդարացի:
«ԴԱԻՇ-ը, ինչպես հաստատվել է, իր նավթի և նավթամթերքների մեծ մասն իրացնում է Սիրիայի և Իրաքի տեղական շուկաներում, սակայն նաև այդ ապրանքների մեծ ծավալ դուրս է հանում իր կողմից վերահսկվող շրջաններից և վաճառում առևտրականներին, որոնք օգտագործում են երթուղիները, որոնք համարյա ամբողջովին անցնում են Թուրքիայով»,- ասված է հրապարակման մեջ:
«Մոսկվայի մեղադրանքների էությունն» այն բանում, որ Թուրքիան «ԴԱԻՇ-ի դեմ պայքարում հակասական դեր է խաղում, արդարացի է: Պարզապես արևմուտքը ձեռնպահ է մնում դա խոստովանելուց, որպեսզի իր կողմում պահի Թուրքիայի նախագահ Ռեջեփ Էրդողանին այն հույսով, որ նա հետագայում էլ թույլ կտա ՆԱՏՕ-ի իր դաշնակիցներին օգտագործելու երկրի տարածքները և օդային տարածությունը Սիրիայի վրա հարձակումների համար»,- պարզաբանել է Defense One-ը:
