Ոստիկանական բարեփոխումների վերաբերյալ ԱԺ լսումների ժամանակ ուշագրավ միջադեպ եղավ: ԱԺ Ժառանգություն խմբակցության պատգամավոր Անահիտ Բախշյանը ոստիկանապետի տեղակալ Օսիկյանին ասաց, թե որ իր համար մտահոգիչ է իշխանության շրջանակներում քաղաքական կամքի բացակայությունը` արդար ոստիկանություն ունենալու համար ու հարցրեց, թե կա՞ արդյոք այդ քաղաքական կամքը:
Փոխոստիկանապետին, սակայն, դուր չեկավ այդ հարցը և հայտարարեց, որ պատգամավորն այնպիսի հարցադրումներ է անում, որոնց պատասխանելն իր գործառույթների մեջ չի մտնում: Եվ այստեղ իրավիճակը շտապեց փրկել ԱԺ պաշտպանության, ներքին գործերի և անվտանգության հարցերի մշտական հանձնաժողովի նախագահ, ՀՅԴ-ական Հրայր Կարապետյանը: «Իշխանության կամքի առկայության մասին հարցնում եք փոխոստիկանապետին, նա ինչպե՞ս կարող է պատասխանել»,- Օսիկյանին իր պաշտպանության տակ առավ նա:
Բախշյանն էլ արձագանքեց. «Բայց նա հավատում է այդ կամքի առկայությանը, դրա համար եմ հարցնում»:
