ԱՄՆ-ում վերջին 33 ամիսների ընթացքում առաջին անգամ «Ռեգուլյար» տեսակի բենզինի գները ողջ երկրում միջին կշռված արժեքով երեկ` ապրիլի 26-ին, գերազանցել են 3.87 դոլար/ գալոն (1.05 դոլար/լիտր) գինը` (դրամով արտահայտված` մոտ 393 դրամ/լիտր): Նշենք, որ Հայաստանում այսօր բենզինի գինը թանկացել է 20 դրամով` «Ռեգուլյար» տեսակի համար դառնալով 450 դրամ/լիտր: 20 դրամով թանկացել է նաև «Պրեմիումի» 1 լիտրը` դառնալով 480 դրամ/լիտր:
Նշենք, որ ԱՄՆ տարբեր քաղաքներում բենզինի գները փոքր-ինչ տարբերվում են միմյանցից: Նյու Յորքում այն կազմել է 3.95 դոլար/գալոն, Բոստոնում 3.847 դոլար/գալոն, Չիկագոյում` 4.252 դոլար/գալոն և այլն:
Եվրոպայում գները համամատաբար բարձր են: Գերմանիայում վերջերս «Ռեգուլյար» տեսակի բենզինի 1 լիտրի գինը գերազանցեց 1.7 եվրոն (մոտ 930 դրամ), ճիշտ այդքան էլ այն Նիդերլանդներում է: Նորվեգիայում 1 լիտրի գինը 1.9 եվրո է, Բելգիայում 1.62 եվրո, Պորտուգալիայում` 1.59 եվրո և այլն:
