Թուրքական Anadolu լրատվական գործակալության փոխանցմամբ՝ Թուրքիայի վարչապետ Ահմեթ Դավութօղլուն այսօր հանդիպել է զինված ուժերի Գլխավոր շտաբի պետ, բանակի գեներալ Հուլուսի Աքարի և երկրի արտգործնախարար Ֆերիդուն Սինիրլիօղլուի հետ։
Հանդիպման ժամանակ կողմերը քննարկել են թուրք-սիրիական սահմանին գրանցված միջադեպը։ Դավութօղլուն հանձնարարել է, որ Թուրքիայի ԱԳՆ-ն այդ հարցի շուրջ խորհրդակցություններ անցկացնի ՆԱՏՕ-ի, ՄԱԿ-ի և շահագրգիռ մյուս կողմերի հետ։
Հանդիպմանը քննարկվել են նաև կիրակի տեղի ունեցած՝ Թուրքիայի անվտանգության խորհրդի նիստում ընդունված որոշումները։
Թուրքական մամուլը գրել է, որ Ռուսաստանի նախագահ Վլադիմիր Պուտինը գումարում է ՄԱԿ-ի ԱԽ-ի արտակարգ նիստ՝ կապված ռուսական «Սու-24» ինքնաթիռի խոցման հետ։