Բրյուսելի դաշնային ոստիկանության խնդրանքին ի պատասխան՝ դադարեցնել Բրյուսելում գործողությունների մանրամասների հաղորդումը, սոցիալական ցանցերի օգտատերերը սկսել են Twitter-ում տեղադրել #BrusselsLockdown հեշթեգով կատուների լուսանկարներ: Այս մասին հայտնում է RIA Novosti-ն:
Ավելի վաղ հաղորդվել է, որ Բելգիայի ոստիկանությունը խնդրել է սոցիալական ցանցերում չհրապարակել Բրյուսելում անցկացվող գործողությունների մասին տեղեկություններ:
Այժմ Twitter-ում #BrusselsLockdown հեշթեգի տակ այդ թեմայով տեղադրվում են կատուների բազմաթիվ հումորիստական լուսանկարներ: Դրանց մեջ կան թաթերը վեր բարձրացրած կատուներ՝ որպես բռնված կասկածյալներ, ինչպես նաև դիպուկահարի դիրքով կատուներ:
Կիրակի երեկոյան Բրյուսելում և Շարլերուայում տեղի ունեցած խուզարկությունների ընթացքում Բելգիայի ոստիկանությունը ձերբակալել է 16 մարդու, սակայն չի հայտնաբերել Փարիզի ահաբեկչությունների գլխավոր կասկածյալ Սալահ Աբդեսլամին:
Բրյուսելում շաբաթ օրվանից գործում է ահաբեկչական սպառնալիքի ամենաբարձր՝ 4-րդ աստիճան, ինչը նշանակում է լուրջ և անխուսափելի սպառնալիք:
