ԵՄ-ն մտադիր է իր տարածքում արգելել վիրտուալ արժույթներն ու անանուն վճարումները, մասնավորապես՝ բիտկոինի շրջանառությունը, հայտնում է Reuters-ը: ԵՄ երկրների իրավապահ մարմիններն առաջարկել են այդպիսի արգելք դնել Փարիզում ահաբեկչություններից հետո: Ըստ նրանց՝ կրիպտոարժույթների միջոցով ահաբեկչության ֆինանսավորման ռիսկը բավական մեծ է:
ԵՄ երկրների արդարադատության նախարարների հանդիպումը, որում կքննարկվի՝ արդյոք բիտկոինը վտանգ ներկայացնո՞ւմ են, տեղի կունենա նոյեմբերի 20-ին Բրյուսելում: Վերջնական հայտարարության նախագծում, որը հայտնվել է գործակալության ձեռքի տակ, ասվում է, որ եվրոպացի «ուժայինների» առաջարկներն ուղղված են ինչպես ահաբեկչությունների պատրաստման և ֆինանսավորման ռիսկերի նվազեցմանը, այնպես էլ «մշակութային արժեքների անօրինական առևտրի զսպմանը»:
Բացի բիտկոինների արգելքից՝ առաջարկվում է ընդհանրապես ուժեղացնել վճարումների ոչ բանկային համակարգերի, կանխավճարային քարտերով ոսկով գործողությունների վերահսկողությունը:
