ԱԺ ՀԱԿ խմբակցության ղեկավար Լևոն Զուրաբյանը, դիմելով ՀՀ վարչապետ, «Այո»-ի շտաբի պետ Հովիկ Աբրահամյանին՝ նշեց. «Երբ դուք նշանակվեցիք «Այո»-ի շտաբի պետ, և Ձեզ հետ նշանակվեցին նախարարներ, մարզպետներ, արդեն մտավախություններ ունեցանք. դա հստակ ազդակ էր, որ դուք ադմինստրատիվ ճնշումներ կգործադրեք՝ խախտեու մարդականց ընտրական իրավունքը: Պարզվեց, որ այդ սպասելիքներն արդարացված են: Ձեր շտաբը զանգվածաբար դրդում է քրեական հանցագործության: Այսինքն՝ պետական հիմնարկների, դպրոցների, մանկապարտեզների, հիվանդանոցների աշխատողներին հրահանգ է տրված, որ նրանք կազմեն ցուցակներ՝ «Այո»-ն քարոզելու նպատակով: Այսինքն՝ մարդկանց վրա գործադրվում են ճնշումներ»:
Ի պատասխան՝ ՀՀ վարչապետ Հովիկ Աբրահամյանը նշեց, որ եթե կոնկրետ փաստ ներկայացվի, իրենք հետամուտ կլինեն և պատասխանատվության կենթարկեն համապատասխան հոդվածով:
Մանրամասները՝տեսանյութում:
