ԱԺ նախագահ Գալուստ Սահակյանը լրագրողների հետ զրույցում, անդրադառնալով նոր Սահմանադրության և սահմանադրական փոփոխությունների վերաբերյալ ժողովրդի անիրազեկությանը, նշեց. «Կարծես թե 2005թ. Սահմանադրությունը ժողովուրդն ամբողջ օրը կարդացել է, էս մեկից էլ տեղյակ չէ: Սա ընդամենը մոդելի փոփոխություն է»:
«Այո և ոչ հեռուստանախագծի վերաբերյալ ԱԺ նախագան իր կարծիքը հայտնեց՝ ասելով. «Այս շոուն հանրությանը բավականին ակտիվացնում է և հասարակության ուշադրությունը բևեռում է դեպի Սահմանադրություն: Ժողովուրդն ավելի է ակտիվանում՝ լսելով և «Այո»-ներին և «Ոչ»-երին:
Հարցին՝ պատերազմների, ահաբեկչությունների այս աշխարհաքաղաքական պայմաններում կա՞ անհրաժեշտություն մեր երկրում սահմանադրական փոփոխություններ իրականացնելու, Գալուստ Սահակյանը պատասխանեց. «Սահմանադրական փոփոխությունները կառավարման ձևի փոփոխություններ են են, սա ո՛չ ռազմական ոլորտի փոփոխություն է, ո՛չ ահաբեկչության: Մենք ո՛չ պատերազմի մեջ ենք, ո՛չ խաղաղության:
1-ին և 2-րդ նախագահների դիրքորոշմանն անդրադառնալով, Գ. Սահակյանը նշե, որ մեզ մոտ միշտ նախագահներից գոհ են եղել, հետո վերջում դժգոհել են, հետո էլի գոհ են եղել, էլի դժգոհել են, և այսպես շարունակ: 1-ին և 2-րդ նախագահները քաղաքական գործընթացների մասնակից չեն, նրանք կարող են հայտնել իրենց կարծիքը՝ որպես քաղաքացիներ:
«Խնդիրը հետևյալն է. կա՛մ պետք է ընդդիմությունը կարողանա կոնստրուկտիվ ձևով ընտրությունների մասնկցել, կա՛մ էլ հոխորտանքները պետք է ապահովի ընտրության օրը: Ամբողջ հանձնաժողովի կազմում մեկ հանրապետական կա, մնացածները ընդդիմադիրներ են, դիտորդներ էլ պետք է լինեն»,- անդրադառնալով հանրաքվեի անցկացմանը նշեց ԱԺ նախագահը: Գուցե ընդդիմադիրների աչքները վախեցա՞ծ են. ի պատասխան լրագրողի այս դիտարկման՝ Գալուստ Սահակյանը շեշտեց. «Վախեցածների լեզուն մի քչ կարճ է լինում»:
Անդրադառնալով ծառայողական մեքենաների և հեծանիվով աշխատանքի գնալու հետ կապված հարցին՝ ԱԺ նախագահը պատասխանեց. «Պատկերացնո՞ւմ եք պետական չինովնիկը մեքենա չունենա և օրվա մեջ 30 տեղ պետք է մտնի, էդ ո՞ւմ հաշվին պիտի մտնի: Մանրուքների հետևից են ընկել, դա պետության ծախսերի մեջ մի խղճուկ գումար է՝ ընդամենը 1 միլիարդ դրամ»: Գ. Սահակյանը նշեց նաև, որ քաղաքական դաշտը դեռևս սևի և սպիտակի է վերածված և կռվի սովոր մի դաշտ է ստղծվել: Եվ որպեսզի տպավորություն չտեղծվի, թե վախից է, որ ինքը հեծանիվով չի գնում աշխատանքի ԱԺ նախագահը հավելեց. «Ես վազքուղիներում էլ եմ լինում, երեկոները ոտքով էլ եմ քայլում, այնպես որ ես դրա վախն ու կարիքը չունեմ, պետությունն իր չափորոշիչներն ունի, դրանցով շարժվում եմ առաջ»: