Իրանական IRNA լրատվական գործակալության փոխանցմամբ՝ այս տարվա առաջին կեսին (Իրանում նոր տարին սկսվում է մարտի 21-ին) Իրանի արտաքին առևտրային շրջանառության ծավալը կազմել է 41 միլիարդ 346 միլիոն դոլար։ Այս մասին հայտարարել է Իրանի մաքսային ու տեղեկատվական տեխնոլոգիաների հարցերով գրասենյակը։
Հաշվետու ժամանակահատվածում Իրան ներկրման ծավալը կազմել է 20 միլիարդ 852 միլիոն դոլար։ Դա 20.43 տոկոսով զիջում է նախորդ տարվա նույն ժամանակահատվածի ցուցանիշին։ Ընթացիկ տարվա առաջին կեսին արտահանման ծավալը կազմել է 20 միլիարդ 494 միլիոն դոլար, ինչը 14.15 տոկոսով պակաս է նախորդ տարվա հաշվետու ժամանակահատվածի համեմատ։
