ԱՄՆ նախագահ Բարաք Օբաման չորեքշաբթի Ֆիլիպիններում Ասիա-խաղաղօվկիանոսյան տնտեսական համագործակցության գագաթնաժողովի ժամանակ հայտարարել է, որ Ռուսաստանը համարում է սիրիական բանակցությունների հարցով կառուցողական գործընկեր։ Այս մասին հայտնել է Սպիտակ տունը՝ փոխանցում RIA Novosti-ն։
Ելույթ ունենալով Մանիլայում լրագրողների առջև՝ Օբաման նշել է, որ Ռուսաստանը շաբաթ օրը Վիեննայի բանակցությունների ժամանակ եղել է «կառուցողական գործընկեր (Սիրիայում) քաղաքական անցում ստեղծելու փորձերում»։ Նախագահը, սակայն, հիշեցրել է, որ կողմերը նախկինի պես համաձայն չեն Ասադի ճակատագրի հարցում՝ խաղաղ կարգավորման համատեքստում։
Օբամայի կարծիքով՝ Փարիզի ողբերգությունից հետո Ասադի ռեժիմի աջակցումը կարող է դադարել Ռուսաստանի համար առաջնահերթություն լինել, իսկ ԴԱԻՇ-ի թիրախների ոչնչացումը կմղվի առաջին պլան։