Փարիզի Bataclan համերգասրահի սեփականատերերը, որտեղ նոյեմբերի 13-ի ահաբեկչոթյան հետևանքով 89 մարդ էր զոհվել, մի քանի տարի առաջ անմիջական սպառնալիքներ էր ստացել ահաբեկիչներից։ Այս մասին հայտնում է The Daily Mirror-ը։
Հաղորդվում է, որ սպառնալիքները հաջորդել էին այնտեղ իսրայելական բանակի համար French Jewish Migdal հրեական կազմակերպության կողմից անցկացված մի քանի դրամահավաք ակցիաներից հետո։ 10 դիմակավոր գրոհայիններ, ինչպես վկայում է պարբերականը, եկել էին համերգասրահի մուտքի մոտ ու պահանջել, որպեսզի ղեկավարությունը դուրս գար։ Այնուհետև նրանք սկսել էին սպառնալ անվտանգության ծառայության աշխատակիցներին. «Դուք կվճարեք Ձեր ակցիաների համար։ Հաջորդ անգամ արդեն չենք ասի»,- ասել էին նրանք։
Նշվում է, որ ֆրանսիական ոստիկանությունը տեղեկացված է եղել տեղի ունեցածի, ինչպես նաև սպառնալիքով ևս մեկ դեպքի մասին։
