Փարիզում ահաբեկչական հարձակումների շարքն առնվազն 150 մարդու կյանք է խլել։ 112 մարդ զոհվել է Ֆրանսիայի մայրաքաղաքի 11-րդ օկրուգի «Բատակլան» համերգասրահում (որոշ տվյալներով կինոթատրոնում) հրաձգության իրականացման և ներկաների պատանդման ժամանակ։ Միջադեպի պահին համերգասրահում ընթանում էր ամերիկյան Eagles of Death Metal ռոք խմբի համերգը։
Եվս 40 մարդ դարձել է մայրաքաղաքի այլ շրջաններում իրականացված ահաբեկչության զոհը։ Այս մասին հայտնում է CNN-ը։
Ներկա պահին տարբեր աղբյուրներից ստացվում են հակասական տվյալներ զոհերի թվի մասին։
Ոստիկանությունը հայտնում է մայրաքաղաքի շրջանում ահաբեկիչների կողմից իրականացված 7 առանձին հարձակումների մասին։
Հաղորդվում է նաև ազգային հավաքականի ընկերական հանդիպման ժամանակ ահաբեկչության իրականացման մասին։ Անվտանգության ուժերը տարհանել են նախագահ Ֆրանսուա Օլանդին և այլ կարևոր կարևոր անձանց Stade de France-ից այն բանից հետո, երբ արենային շրջանում կրակնոցներ ու պայթյունի ձայներ են լսվել։
