Sputnik լրատվական գործակալության փոխանցմամբ՝ անբարենպաստ եղանակային պայմանների պատճառով հոսանքազրկված բաժանորդների թիվը կազմում է 80.000 մարդ։ Այդ մասին լրագրողների հետ ճեպազրույցում հայտարարել է Վրաստանի էներգետիկայի փոխնախարար Իլյա Էլոշվիլին։ Նա հավելել է, որ դա կազմում է Energo-Pro Georgia ընկերության բաժանորդների 8 տոկոսը։
Վրաստանում եղանակը կտրուկ վատացել է նոյեմբերի 11-ին։ Ուժգին քամին, անձրևները, իսկ բարձրալեռնային շրջաններում գրանցված ձյունը և մերկասառույցը լուրջ խնդիրներ են ստեղծել։ Անբարենպաստ եղանակը Վրաստանի արևմուտքից տեղափոխվել է արևելք, այդ թվում՝ նաև Սամցխե-Ջավախք և Շիդա Քարթլի, ուր հոսանքազրկվել է 35.000 բաժանորդ։
