Չեխիան քրդերին կտրամադրի 6000 ինքնաձիգ և փամփուշտներ՝ ԴԱԻՇ ահաբեկչական խմբավորման դեմ պայքարելու համար։ Այս մասին հայտնել է հանրապետության պաշտպանության նախարար Մարտին Ստրոպնիցկին՝ փոխանցում է TASS գործակալությունը։
«Մոտ 6000 ինքնաձիգ մենք կարող են մի քանի ամսում քրդերին ուղարկել»,- ասել է նա։
Նախարարը նաև նշել է, որ հանրապետությունը հաջորդ շաբաթ մարտիկներին կուղարկի 5000 նռնակ և 10 մլն փամփուշտ։
Քրդերի համար նախատեսված բեռի փոխադրումը կիրականացվի ամերիկյան և բրիտանական ինքնաթիռներով։
Ստրոպնիցկին, սակայն, չի հստակեցել, թե որ երկրի մասին է խոսքը՝ Սիրիայի՞, թե՞ Իրաքի։
Ավելի վաղ հաղորդվել էր, որ քրդական զինված ուժերն ամերիկյան ավիացիայի աջակցությամբ հարձակում են սկսել ԴԱԻՇ-ի գրոհայինների դիրքերին Իրաքի հյուսիսային Սինջար քաղաքում։
